Daut Haradinaj, ish-deputet i Aleancës për Ardhmërinë e Kosovës (AAK), ka kritikuar kryeministrin Albin Kurti për mënyrën e trajtimit të procesit të zgjedhjes së presidentit, i cili dështoi dhe çoi vendin në zgjedhje të parakohshme.
Haradinaj deklaroi se falënderon publikisht Kurtin që nuk i ftoi përfaqësuesit e AAK-së në takime, pasi këto diskutime nuk kishin përmbajtje reale.
"E falënderonim Albin Kurtin publikisht që nuk na bëri pjesë të këtyre debateve. Sepse po dihet që edhe beteja e fundit, në foltore, ishte si një tubim elektoral, jo si në Parlament. U pa që ky mundohej ta hidhte fajin te subjektet opozitare. Nuk qëndron ky fakt. Asnjëri nga emrat që i ka nominuar për president nuk i ka negociuar me deputetët. Kemi pasur qëndrimin publik se nuk shkojmë në takim. Nuk kemi nevojë të shkojmë, sepse nuk ka diskutime përmbajtësore…", tha Haradinaj në RTV Dukagjini dhe Debat Plus.
Ai theksoi se AAK nuk kishte nevojë të merrte pjesë në takime pa negociata të vërteta me deputetët.