Ramush Haradinaj, kryetar i Aleancës për Ardhmërinë e Kosovës, ka kritikuar qasjen e kryeministrit Albin Kurti ndaj procesit të zgjedhjes së presidentit të Kosovës.
Ai deklaroi se kjo çështje nuk ka qenë prioritet për Kurtin që nga fillimi i mandatit qeverisës. Në një debat televiziv, Haradinaj theksoi se zhvillimet e deritanishme dëshmojnë mungesë serioziteti nga ana e kryeministrit.
"Duke u nisur nga ajo që ka ndodhur deri tani, shihet se Kurti nuk e ka pasur me rëndësi zgjedhjen e presidentit", tha ai. Haradinaj shtoi se, nëse zgjedhja e presidentit do të ishte prioritet, Kurti do ta kishte përfshirë në marrëveshjet për formimin e qeverisë. Ai shpjegoi se kryeministri duhej të ftonte palët e interesuara për bashkëqeverisje dhe të integrojë çështjen e presidentit në koalicion.
"Mund të them se nuk e shoh të internuar, nuk e ka pasur me interes të madh zgjedhjen e presidentit. Kështu përfundojmë në zgjedhje", u shpreh Haradinaj.
Deklarata vjen në kontekstin e zhvillimeve politike në Kosovë, ku procesi i zgjedhjes së presidentit mbetet i pazgjidhur.