Albulena Haxhiu, kryetare e Kuvendit të Kosovës, ka kujtuar në një postim në Facebook përvjetorin e 27-të të nisjes së bombardimeve të NATO-së mbi objektivat serbe, më 24 mars 1999.
Ajo shkruan se këto bombardime ndryshuan rrjedhën e historisë së Kosovës. Ndërhyrja erdhi si përgjigje ndaj ciklit të dhunës, që kishte marrë trajtë gjenocidi, dhe politikave të regjimit të Millosheviqit ndaj shqiptarëve të Kosovës.
19 vende anëtare të NATO-së, të udhëhequra nga Shtetet e Bashkuara të Amerikës, nisën fushatën ajrore mbi caqet policore dhe ushtarake serbe për 78 ditë.
Gjatë kësaj periudhe, ndërhyrja e NATO-së nga ajri dhe qëndresa e UÇK-së në terren u ndërthurën në një çast përcaktues për Kosovën.
Haxhiu nderon me mirënjohje rolin vendimtar të NATO-së, sakrificën e UÇK-së dhe kontributin e të gjithë atyre që luftuan për lirinë e Kosovës. Ajo falënderon miqtë dhe aleatët ndërkombëtarë për mbështetjen në momentet më të vështira.
Përditësime
Haxhiu postoi në 27-vjetorin e ndërhyrjes së NATO-së në Kosovë: «Nderonjmë, me mirënjohje, rolin vendimtar të NATO-së, sakrificën e UÇK-së dhe kontributin e të gjithë atyre që luftuan për lirinë e Kosovës. Jemi gjithmonë falënderues për mbështetjen e aleatëve ndërkombëtarë që nuk na lanë vetëm në momentet më të vështira.»