Ushtruesja e detyrës së Presidentes së Republikës së Kosovës, Albulena Haxhiu, pret sot në orën 14:00 kryetarin e Komisionit Qendror të Zgjedhjeve (KQZ), Kreshnik Radoniqin.
Sipas njoftimit për media të Presidencës, mediat mund të marrin pamje në fillim të takimit.
Nuk janë dhënë detaje të tjera për temat e diskutimit.
Takimi zhvillohet në një periudhë kur institucionet zgjedhore përgatiten për proceset e ardhshme politike në vend.
Përditësime
Kreshnik Radoniqi, kryetari i KQZ-së, deklaroi pas takimit me Haxhiun se data më e përshtatshme për zgjedhjet është 7 qershor, pasi KQZ-së i nevojitet më shumë kohë përgatitjeje.
Gjykata Kushtetuese ka caktuar datat e mundshme: 31 maj ose 7 qershor.
Kjo në kontekst të shpërndarjes së Kuvendit pas dështimit të zgjedhjes së presidentit deri më 28 prill.