Henrik Hoxha, i pandehur në dosjen "Plumbi i Artë", dëshmoi të martën në Gjykatën e Posaçme se atentati i dështuar ndaj biznesmenit Lulëzim Masha më 18 janar 2022 në Tiranë kishte shënjestrë fillestare djalin e tij.
Sipas Hoxhës, Nuredin Dumani i kishte dhënë porosinë në Gjilan të Kosovës për vrasjen e djalit të Mashës me 150 mijë euro. Pasi nuk e gjetën – sepse rrinte në Maqedoni –, vendosën të vrisnin atin me 100 mijë euro, që djali të kthehej në varrim dhe ta ekzekutonin aty.
Hoxha shpjegoi motivin: njëri nga vëllezërit Dizdari kishte qenë i fejuar me vajzën e Mashës. Dhëndri kishte transferuar prona në emër të vjehrrit dhe kunatit, por pas ndarjes ato nuk u kthyen.
Mbikëqyrja e Lulëzim Mashës, që kishte shkollë private në Tiranë dhe shtëpi në Bllok, zgjati gati një vit. Dumani i tregoi Hoxhës foto, shtëpi dhe shkollë të djalit. U angazhua Sakati për informacion nëse djali hynte në Shqipëri.
Për atentatin përdorën një "Golf 4" të vjetër të gjetur nga Dumani, pasi me motor mund të binim në sy. Hoxha përdori një menaxher lokali për të sinjalizuar praninë e Mashës. Ai shkoi me Skerdi Tasin, e la atë pranë shënjestërës dhe u pozicionua jashtë kamerave. Arma kishte silenciator dhe Hoxha nuk dëgjoi goditjen.
Hoxha kishte bërë prova me armën dy ditë para dhe kishte radio policie për të ndjekur zhvillimet. Arma i ngeci Tasit, që doli huq, ndërsa policia jepte përshkrimin e tij në radio.
Gjatë hetimit, Hoxhës i ishte dhënë e më pas i ishte hequr statusi i bashkëpunëtorit të drejtësisë nga SPAK.
Përditësime
Henrik Hoxha dëshmoi detaje të reja për atentatin ndaj Lulëzim Dumanit. Ai rrëfen se:
- Dumani akuzoi djalin e Lulëzim Mashës për mashtrim në Maqedoni.
- Mashën e ndoqën me motor para atentatit.
- Pas ngjarjes, takim me Skerdi Tasin në '21-shi', ku Tasi pranoi se qëlloi dy herë, por arma u bllokua.
- Hoxha shpëtoi jetën e Dumanit duke e marrë të plagosur, e dërguar në Fier dhe duke thirrur mjekë.
- Dumani identifikoi Talo Çelën si shoferin e atentatorëve ndaj tij.
- Hoxha akuzon Dumanin se "i shiti të gjithëve".
Referencë në dëshminë e mëparshme për vrasjen e Dorian Shkozës.
Henrik Hoxha zbuloi detaje të reja në dëshminë e tij:
- Planifikuan atentat ndaj Oti Kilës në Elbasan, pasi strehoi Talo Çelën.
- Atentati ndaj Dumanit u planifikua në aksin Peqin-Elbasan.
- Dumanit deklaroi: "4 vetë, 3 me maska, shoferi Talo Çela".
- Grupet pohuan: "Ne kemi vrarë 100 si puna e Nuredinit".
- Atentati ndaj djalit të Lulëzim Mashës ndodhi pranë Liqenit Artificial.