Në seancën e zhvilluar në Gjykatën e Posaçme Kundër Korrupsionit dhe Krimit të Organizuar (GJKKO) më 29 prill, Laert Haxhiu refuzoi të përballet me Artan Tafanin, ish-anëtar i grupit të tij që tani bashkëpunon me drejtësinë.
Prokurori Behar Dibra e thirri Tafanin si dëshmitar. Ai shpjegoi para gjykatës njohjen me Haxhiun. Sipas dëshmisë, ata u takuan në Dajt nëpërmjet Lulzim Arapit. Haxhiu e pyeti Tafanin se çfarë dinte të bënte, pas informacioneve për vjedhje me dhunë të kryera prej tij.
Për herën e parë, Haxhiu i dha 1000 euro dhe e urdhëroi të vendoste tritol në banesën e Erjon Çokut në Lushnje. Çoku, shitës heroinë, i kishte marrë mallin Haxhiut dhe nuk kishte paguar. Besnik Çoku, vëlla i Erjonit, qëndronte jashtë shtetit.
Tritolin e kishte dhënë Sajmir Krasniqi. Haxhiu i dha Tafanit edhe 100 euro për shpenzime xhepi. Tafani udhëtoi nga Korça në Lushnje dhe kryen veprimin rreth orës 2-3 të natës. Pas kësaj, raportoi te Haxhiu. Ai theksoi se ishte hera e parë që kryente një veprim të tillë.
Të gjithë personat e përmendur supozohen se janë të pafajshëm deri në vendim gjyqësor të formës së prerë.