Gjykata e Lartë ka rrëzuar rekursin e Laert Haxhiut dhe ka lënë në fuqi dënimin me burgim të përjetshëm për “Masakrën e Lushnjës”. Vendimi lidhet me atentatin e ndodhur në shtator të vitit 2017 në Lushnjë.
Në ngjarje mbetën të vrarë Zamir Latifi dhe Jurgen Hoxha, ndërsa u plagosën Bujar Turku dhe Marius Xhepexhiu. Objektivi i autorëve ishte Xhuljo Shkurti, i cili u largua nga vendi i ngjarjes pak çaste para sulmit.
Për të njëjtën çështje janë dënuar me burgim të përjetshëm edhe Anterio Kaloshi dhe Orges Bilbili. Të dënuarit akuzohen për vrasje në rrethana cilësuese, veprime në kuadër të grupit kriminal, mbajtje pa leje të armëve dhe prishje të qetësisë publike.
Vendimi është dhënë nga trupa gjykuese e përbërë nga Ilir Panda, Sokol Binaj dhe Sander Simoni. Sipas hetimeve, krimi u krye brenda 32 sekondave nga një makinë dhe buronte nga një konflikt i vjetër midis familjes Haxhiu dhe familjes Bare.