Henrik Hoxhaj, i pandehur në dosjen „Plumbi i Artë”, vijoi këtë të enjte dëshminë në Gjykatën e Posaçme kundër Korrupsionit dhe Krimit të Organizuar (GJKKO). Ai foli për konfliktin me Ismet Boriçin dhe vëllezërit e tij, që sipas tij kishte zanafillë në vitet 1999-2000, për shkak të problemeve mes shokut të tij të fëmijësisë, Viron Kallanxhiu – që ndodhet në burg – dhe familjes Boriçi. Kallanxhiu kishte goditur Ismet Boriçin në 1999 në Itali.
Në vitin 2004, Hoxhaj u plagos me tre plumba ndërsa kthehej në shtëpi. Ai përshkroi një përplasje ku Boriçët, të cilët i cilësoi fis të madh, e akuzuan se "pse më sheh". Hoxhaj u përpoq të kapte armën e Ismet Boriçit, por ky i fundit e qëlloi. Ai beson se ngjarja lidhet me historinë e Kallanxhiut, pasi nuk kishte probleme me të tjerë.
Hoxhaj pranoi se donte ta "mbaronte punën" duke e vrarë Boriçin për hakmarrje. Në vitin 2018, së bashku me Skerdi Tasen, përgatitën atentatin duke përdorur një automjet Renault të vjedhur me targa greke dhe xhama të zinj, një pistoletë Glock dhe një armë automatike.
Ata vëzhguarën pronën e vëllezërve Boriçi tre-katër herë gjatë ditës. Skerdi Tase goditi nga vendi i pasagjerit me automatikun, por arma iu ngec. Hoxhaj qëlloi nga timoni me pistoletën. Plumbat u ndalën nga xhamat, duke lënë vetëm gërvishtje të lehta te objektivat, të cilët i panë për shkak të xhamave të zinj dhe targave të huaja.
Hoxhaj theksoi se Viron Kallanxhiu nuk kishte dijeni për planin dhe nuk mori pjesë. Ai njohu Renato Çamin vetëm si emër, pa e takuar personalisht.