Policia e Kosovës ka hapur rastin "Hetim i vdekjes" pas raportimit për një grua, e cila është dërguar pa shenja jete në Qendrën Kryesore të Mjekësisë Familjare (QKMF) në Malishevë.
Sipas raportit zyrtar, ngjarja ka ndodhur në fshatin Bubavec. Mjeku kujdestar, pasi ka konstatuar vdekjen, ka bërë vlerësimin fillestar sipas të cilit viktima dyshohet se ka ndërruar jetë si pasojë e arrestit kardiak.
Me urdhër të prokurorit, trupi i pajetë është dërguar në Institutin e Mjekësisë Ligjore (IML) për obduksion. Autoritetet po vazhdojnë hetimet për të sqaruar rrethanat e plota të kësaj humbjeje jete.