Të premten më 22 maj 2026 do të mbahen homazhe përkujtimore në ambientet e Burgut të Dubravës. Aktiviteti fillon nga ora 11:00 dhe synon të nderojë të vrarët, të plagosurit dhe të mbijetuarit e masakrës që ndodhi gjatë periudhës 19-24 maj 1999.
Organizatorët kanë ftuar të marrin pjesë ish-të burgosurit, familjarët e viktimave, të mbijetuarit e masakrës dhe qytetarët që dëshirojnë të nderojnë kujtimin e tyre. Hyrja në hapësirat e burgut do të mundësohet nga ora 11:00.
Ftesë u është bërë edhe përfaqësuesve të mediave për të përcjellë ceremoninë. Ngjarja kujton viktimat e masakrës ndaj të burgosurve shqiptarë të kryer nga regjimi serb gjatë luftës në Kosovë.