Homazhet për artisten nga Kosova, Rinesa Qeriqi, e njohur me emrin artistik Rinesancë, mbahen sot, më 25 tetor, nga ora 12:00 deri në 17:00, në shtëpinë Erb & Good, në adresën 171 King St South, Waterloo, Ontario, Kanada. Sipas njoftimit të familjarëve, homazhet do të organizohen në këtë adresë.
Qeriqi ndërroi jetë në moshën 25-vjeçare, pas një beteje të gjatë me tumorin në tru. Artistja nga Prishtina jetonte dhe vepronte në Kanada, ku ishte e angazhuar në fushën e muzikës si këngëtare, tekstshkruese dhe kompozitore.
Bota Sot shkruan se vdekja e saj ka lënë dhimbje te familjarët, miqtë dhe ata që e njihnin dhe vlerësonin krijimtarinë e saj artistike.