Një ngjarje e rëndë është regjistruar pasditen e së dielës në Jalë, në Bashkinë e Himarës, ku një 74-vjeçar ka ndërruar jetë pas një aksidenti në dhomën e hotelit ku po qëndronte.
Sipas informacioneve paraprake, i moshuari është gjetur pa shenja jete nga djali i tij, i cili ka njoftuar menjëherë autoritetet. Edhe pse është transportuar drejt Spitalit të Himarës, ai nuk ka mundur t'u mbijetojë plagëve të marra.
Hetimet nga Policia e Himarës sugjerojnë se viktima ka rrëshqitur aksidentalisht brenda dhomës, duke goditur kokën me forcë. Goditja i ka shkaktuar fraktura në kafkë dhe trauma të rënda cerebrale, të cilat rezultuan fatale. Grupi hetimor po vijon veprimet procedurale për zbardhjen e plotë të rrethanave të ngjarjes. Identiteti i viktimës nuk është bërë ende publik nga autoritetet.