Një 60-vjeçar ka humbur jetën në Gjirokastër pas rënies nga tarraca e hotelit Olimpik, ku ishte bashkëpronar. Ngjarja u regjistrua rreth orës 10:45 në lagjen Virua.
Sipas njoftimit të policisë, shtetasi K. S., 60 vjeç, dyshohet se ka rënë aksidentalisht nga një lartësi gati 15 metra. Ai u transportua me autoambulancë në spital në gjendje kritike, por nuk arriti të mbijetojë.
Grupi hetimor po punon për zbardhjen e rrethanave dhe shkaqeve të ngjarjes. Policia ka nisur hetimet për të dokumentuar plotësisht rastin.