Një grua e moshuar e akomoduar në Shtëpinë e të Moshuarve në Gjirokastër ka rënë nga tarraca e këtij institucioni dhe është plagosur.
Ngjarja ka ndodhur rreth orës 12:30 të 4 marsit 2026, në lagjen 18 Shtatori. Sipas policisë vendore, bëhet fjalë për shtetasen Sh. Z., 72 vjeçe, e cila ka rënë aksidentalisht nga tarraca ku ishte akomoduar.
Për pasojë, ajo ka marrë plagë dhe fraktura. Menjëherë pas ngjarjes, Sh. Z. u dërgua për mjekim në Spitalin Rajonal të Gjirokastrit, ku ndodhet në kujdesin e mjekëve.
Policia e Gjirokastrit bëri të ditur se: "Rreth orës 12:30, në lagjen «18 Shtatori», dyshohet se ka rënë aksidentalisht, nga tarraca e Shtëpisë së të Moshuarve, ku ishte akomoduar, shtetasja Sh. Z., 72 vjeçe, e cila është në kujdesin e mjekëve".
Grupi hetimor po punon për zbardhjen dhe dokumentimin e rrethanave të ngjarjes.