Humb jetën 85-vjeçari në fshatin Buçimas të Pogradecit

Një ngjarje e rëndë është regjistruar këtë të hënë, më 11 gusht, në fshatin Buçimas të Pogradecit, ku një 85-vjeçar është gjetur i pajetë brenda shtëpisë së tij. I moshuari, i cili jetonte i vetëm, u gjet nga shërbimet e Policisë pasi djali i tij njoftoi se nuk kishte pasur mundësi të komunikonte nëpërmjet telefonit me të atin. Pas mbërritjes në vendngjarje, forcat policore konstatuan mungesën e shenjave të jetës te i moshuari. Nga verifikimet fillestare të kryera nga grupi hetimor, dyshohet se vdekja ka ardhur si pasojë e shkaqeve natyrale. Aktualisht, organet kompetente vijojnë veprimet e nevojshme procedurale për dokumentimin e plotë të ngjarjes dhe përcaktimin përfundimtar të rrethanave të saj.