Një person ka humbur jetën si pasojë e një aksidenti trafiku të ndodhur më 18 gusht 2026, rreth orës 07:29, në fshatin Loxhë të Pejës. Në aksident u përfshinë dy automjete, të cilat drejtoheshin nga persona të gjinisë mashkullore, ku të dy drejtuesit pësuan lëndime trupore.
Viktima, e identifikuar si Ismet Alimusaj nga Strellci i Deçanit, ishte dërguar për trajtim mjekësor jashtë vendit, në një spital në Shkup. Pavarësisht përpjekjeve të personelit mjekësor, ai ndërroi jetë për shkak të lëndimeve të rënda.
Zëdhënësi i Policisë së Kosovës për rajonin e Pejës, Driton Rugova, konfirmoi se institucionet janë njoftuar për vdekjen më 5 shtator 2026. Me vendim të prokurorit, trupi i pajetë do të dërgohet në Institutin e Mjekësisë Ligjore (IML) për procedurën e obduksionit. Organet kompetente po vazhdojnë hetimet për zbardhjen e rrethanave të plota të përplasjes mes dy automjeteve.
Përditësime
Autoritetet kanë konfirmuar moshën e viktimës Ismet Alimusaj, i cili ishte 46 vjeç.