Luan Pirdeni, babai i ministres së Shtetit për Administratën Publike dhe Antikorrupsionin, Adea Pirdeni, ka humbur jetën në një aksident rrugor të ndodhur më 14 maj 2026 në Tiranë.
Ngjarja ka ndodhur rreth orës 12:00, në kryqëzimin e rrugëve “Bardhyl” dhe “Kongresi i Manastirit”. 87-vjeçari Luan Pirdeni po lëvizte me biçikletë kur u përplas nga një motomjet i drejtuar nga shtetasi Sejdi Milla, 31 vjeç. I moshuari mbeti i plagosur rëndë dhe u transportua në Spitalin e Traumës, ku nuk arriti të mbijetojë.
Specialistët e qarkullimit rrugor e kanë arrestuar drejtuesin e motomjetit. Grupi hetimor vijon punën për zbardhjen e plotë të rrethanave të aksidentit.
Ministrja Adea Pirdeni ka qenë pranë babait të saj në spital gjatë këtyre momenteve. Më herët, deputetët kanë ndërprerë mbledhjen e Këshillit për Rregulloren dhe Mandatet për shkak të gjendjes së rëndë shëndetësore të Luan Pirdenit, me disa prej tyre që janë drejtuar drejt spitalit.
Një burim e cilëson Luan Pirdenin si profesor.