Një shtetas polak ka mbetur i dëmtuar pasditen e sotme në fshatin Radomirë të Dibrës, teksa lëvizte me biçikletë. Ngjarja ndodhi rreth orës 17:30, kur G. W., 35 vjeç, u rrëzua aksidentalisht dhe pësoi dëmtime trupore.
I dëmtuari u transportua menjëherë në Spitalin e Traumës në Tiranë për ndihmë mjekësore të specializuar. Burimet policore bëjnë të ditur se ai ndodhet jashtë rrezikut për jetën.
Policia deklaron: «Rreth orës 17:30, në fshatin Radomirë, shtetasi polak G. W., 35 vjeç, duke lëvizur me biçikletë, është rrëzuar aksidentalisht dhe ka pësuar dëmtime. I dëmtuari është transportuar drejt Spitalit të Traumës në Tiranë për ndihmë më të specializuar mjekësore dhe ndodhet jashtë rrezikut për jetën. Grupi hetimor ndodhet në vendngjarje dhe po punon për zbardhjen e rrethanave të rastit».