Një ngjarje tragjike ka ndodhur ditën e sotme në qytetin e Pogradecit, ku një shtetas ka humbur jetën si pasojë e një dëmtimi aksidental gjatë punës. Sipas të dhënave paraprake, viktima ishte duke kryer punime në banesën e tij në momentin kur është dëmtuar aksidentalisht me një mjet pune të tipit fresibël, i njohur ndryshe si troko.
Pas dëmtimit, personi u transportua me urgjencë drejt spitalit për të marrë ndihmën e nevojshme mjekësore. Megjithatë, për shkak të plagëve të rënda të marra nga mjeti i punës, ai nuk ka arritur të mbijetojë pavarësisht ndërhyrjes së personelit mjekësor.
Shërbimet e Policisë kanë mbërritur në vendin e ngjarjes menjëherë pas marrjes së njoftimit. Aktualisht, grupi hetimor është duke punuar për zbardhjen e plotë të rrethanave dhe shkaqeve që çuan në këtë aksident fatal.
Përditësime
Autoritetet identifikuan viktimën si Kristaq Çulaku, 65 vjeç, i cili jetonte i vetëm në banesën ku ndodhi ngjarja. Fqinjët raportuan për vonesa në mbërritjen e ambulancës pas aksidentit.