Elseid Hysaj ka kaluar një sezon shumë të vështirë në radhët e Lazio-s, pasi aktivizimi i tij ka qenë me pikatore nga bardhekaltrit, të cilët e nxorën disa herë jashtë ekipit për shkak të zgjedhjeve të klubit që kërkonte ta largonte.
Në fund të sezonit, Lazio ka kthyer sytë nga mbrojtësi i Kombëtares shqiptare. Ai u shfaq në minutat e fundit të duelit ndaj Napoli dhe mund të jetë protagonist në ndeshjen e mesjavës në Kupën e Italisë.
Lazio synon kualifikimin në finale pas barazimit 2-2 në ndeshjen e parë. Anësorët e mbrojtjes Lazari dhe Marusiç vuajnë nga probleme fizike, ndaj përvoja e Hysaj mund të jetë e nevojshme për këtë duel delikat.
Klubi e vlerëson këtë si sfidën më të rëndësishme të sezonit, pasi suksesi mund t’i hapë dyert e finales dhe pjesëmarrjes në kompeticionet europiane.