Në burgun e sigurisë së lartë të Burrelit, i burgosuri Fatmir Pjetri, anëtar i Bandës së Babagjyshëve, ka publikuar në profilin e tij në Instagram një audioregjistrim. Në të, ai ankohet se Drejtoria e Përgjithshme e Burgjeve e diskrimiron duke mos e lejuar të promovojë librin e tij "Jetë e guximshme", për arsye se përmban përshkrime aktesh dhune.
Ky incident vjen një ditë pas arratisjes së të burgosurit Altin Ndoci nga Spitali Rajonal i Durrësit.
Vetëm pak minuta pas postimit, Drejtoria e Burgut të Sigurisë së Lartë në Burrel ka urdhëruar një kontroll të imtësishëm në qelina ku qëndron Pjetri. Dyshohet se regjistrimi është bërë brenda qelisë me aparat celular.
Deri tani nuk ka njoftim zyrtar për rezultatet e kontrollit. Pritet informacion i mëtejshëm në orët në vijim.