Një person rreth moshës 60-65 vjeç ka humbur jetën këtë të mërkurë në zonën e Bushtricës, Përrenjas, në aksin Librazhd-Përrenjas.
Sipas informacioneve paraprake nga burimet, dyshohet se shtetasi ka rënë nga Ura hekurudhore e Bushtricës dhe ka ndërruar jetë në vend mbi trasenë e rrugës automobilistike që kalon poshtë saj. Gazeta Shqiptare raporton se viktima dyshohet se quhet Arif Shengjergji.
Në vendngjarje kanë mbërritur shërbimet e policisë dhe grupi hetimor, të cilët po punojnë për sqarimin e plotë të rrethanave dhe identifikimin e viktimës. Trupi i pajetë është dërguar për veprime të mëtejshme procedurale dhe ekspertizë.
Autoritetet vijojnë hetimet. Pritet një njoftim zyrtar me detaje shtesë mbi ngjarjen.