Ish-futbollisti Zlatan Ibrahimoviç ka shprehur vlerësimin e tij për paraqitjen e Lionel Messit në ndeshjen e fazës së 1/8 së finales të Kupës së Botës, ku Argjentina siguroi një fitore përmbysëse 3-2 ndaj Egjiptit. Gjatë një prononcimi për Fox Sports, suedezi vuri në pah mentalitetin e ish-bashkëlojtarit të tij te Barcelona, veçanërisht pas disavantazhit 2-0 që skuadra kishte në Atlanta.
Sipas Ibrahimoviç, Messi ndryshoi ritmin e lojës në momentet vendimtare. Në atë takim, Messi dha asistin për golin e Cristian Romero, shënoi golin e barazimit dhe ishte pjesë e aksionit që çoi te goli i fitores së shënuar nga Enzo Fernandez në kohën shtesë.
Megjithatë, Ibrahimoviç shfrytëzoi rastin për të dërguar një mesazh kritik drejtuar pjesës tjetër të kombëtares argjentinase. Ai deklaroi se pavarësisht aftësive mbinjerëzore të Messit, skuadra duhet të ngrihet në nivelin e kapitenit të saj dhe t'i lehtësojë barrën.
"Për të qenë pak kritik, bashkëlojtarët e tij duhet të ngrihen më shumë dhe ta ndihmojnë. Ai është në një nivel tjetër. Nëse Messi vazhdon kështu deri në fund, askush nuk do të befasohet. Por ai ka nevojë për ndihmë", përfundoi suedezi.