Aksidenti i rëndë ndodhi pasditen e së martës pranë rrethrrotullimit të qendrës tregtare TEG. Viktimat po udhëtonin me një kamion-pompë betoni, i cili u përfshi në një përplasje me një automjet tjetër.
Sipas njoftimit zyrtar nga Policia, Mohamed Lotf, drejtuesi i kamionit, humbi jetën në vendngjarje. Pasagjeri i mjetit, Mohamed Ali, u transportua për në spital, por përkundër ndihmës mjekësore, ndërroi jetë si pasojë e plagëve të marra.
Drejtuesi i automjetit tjetër të përfshirë në aksident, Roland Nuri, 28 vjeç, po merr trajtimin e nevojshëm mjekësor dhe ndodhet jashtë rrezikut për jetën. Grupi hetimor është duke punuar për të dokumentuar shkaqet dhe rrethanat e plota të kësaj ngjarjeje.
Përditësime
Pamjet e publikuara nga A2 CNN zbardhin dinamikën e aksidentit fatal pranë TEG-ut, ku kamioni theu barrierat mbrojtëse të mbikalimit dhe ra në nivelin e poshtëm të rrugës.