Bilanci i aksidentit të ndodhur pasditen e së mërkurës në aksin rrugor TEG-Elbasan është rënduar, duke shkuar në dy të vdekur. Ngjarja ndodhi kur një kamion, i cili shërbente si pompë betoni, u përplas me një automjet tjetër, duke çuar në çarjen e barrierave mbrojtëse dhe rënien e mjetit nga mbikalimi.
Shoferi i kamionit humbi jetën në vendngjarje, ndërsa pasagjeri që ndodhej në të njëjtin mjet, i cili u dërgua në spital në gjendje të rëndë shëndetësore, nuk ka mundur t'u mbijetojë plagëve dhe ka ndërruar jetë pak kohë më pas. Viktimat dyshohet të jenë shtetas egjiptianë, ndërsa autoritetet po vijojnë verifikimet për konfirmimin zyrtar të identitetit të tyre.
Në këtë ngjarje raportohet se ka mbetur i plagosur edhe Roland Nuri, 28 vjeç, i cili po trajtohet nga ekipet mjekësore.