Rezultatet e fundit të Milanit kanë vënë në dyshim sigurimin e pjesëmarrjes në Ligën e Kampioneve, duke krijuar tension në klub. Pronari Xherri Kardinale po konsideron ndryshime të gjera, jo vetëm te lojtarët, por edhe te trajneri dhe administratorët.
Kjo valë mund të përfshijë drejtorin sportiv Igli Tare, i cili iu bashkua Milanit verën e kaluar.
Në të njëjtën kohë, Napoli nuk ka të sigurt qëndrimin e drejtorit sportiv Xhovani Manna, të kërkuar me ngulm nga Roma. Skuadra napolitane, e cila ka fituar dy tituj në Serinë A në vitet e fundit, e sheh Taren si opsion prioritar.
Ndryshimet në të dy klubet mund të ndodhin gjatë verës, nëse Milani dhe Napoli vendosin të ndërrojnë drejtorët sportivë.