Pas verifikimit të denoncimeve në terren, Inspektorati Kombëtar i Mbrojtjes së Territorit (IKMT) konstatoi se subjekti Sh.Mulosmani po ushtronte aktivitet të paligjshëm në shtratin e Lumi të Valbonës.
Gjatë inspektimit, autoriteti gjeti se subjekti po shfrytëzonte materiale inerte në kundërshtim me legjislacionin në fuqi. Si pasojë e këtyre shkeljeve, IKMT mori masën administrative të gjobës në vlerën 2,000,000 lekë.
Krahas gjobës, është urdhëruar pezullimi i menjëhershëm i aktivitetit të subjektit deri në pajisjen me lejen përkatëse. Gjithashtu, subjekti është ngarkuar me detyrimin për të korrigjuar shkeljet dhe për të eliminuar pasojat e ndërhyrjes në zonë.