Indeksi i Harmonizuar i Çmimeve të Konsumit në Kosovë ka shënuar rritje mujore prej 1.5% në mars 2026 krahasuar me muajin shkurt, sipas të dhënave të Agjencisë së Statistikave të Kosovës (ASK).
Rritja mujore
Rritja është ndikuar kryesisht nga shtrenjtimi i karburanteve dhe lubrifikantëve për pajisjet e transportit personal me 25.8%. Po ashtu, perimet janë rritur me 3.7%, pemët me 1.5% dhe mishi me 0.3%, duke kontribuar së bashku rreth 1.7% në indeks. Në anën tjetër, energjia elektrike ka ulur me 3.7% dhe lëndët djegëse të ngurta me 2.2%, me ndikim negativ prej 0.2%.
Inflacioni vjetor
Sa i përket krahasimit vjetor, inflacioni në mars 2026 ka arritur 6.7% krahasuar me marsin 2025. Rritjet më të larta janë regjistruar te:
- shërbimet e tjera në lidhje me pajisjet personale të transportit me 42.5%;
- biletat e fluturimeve me 38.4%;
- furnizimi me ujë dhe shërbimet e ndryshme për vendbanimin me 31.9%;
- energjia elektrike dhe karburantet me nga 17.4%;
- lëndët djegëse të ngurta me 15.6%;
- pushimet e organizuara me 13.2%;
- pemët me 13.1% dhe mishi me 12.4%;
- kafja, çaji dhe kakao me 7.8%;
- shërbimet hoteliere me 6.9%;
- shërbimet ambulantore me 5.6% dhe kujdesi personal me 5.2%.
Të dhënat tregojnë prani të presionit inflacionist në sektorë të ndryshëm, duke rritur kostot e jetesës për qytetarët.
Përditësime
Agjencia e Statistikave e Kosovës (ASK) publikoi të dhënat e inflacionit për mars 2026.
• Produktet ushqimore shënuan rritje vjetore prej +6.8%.
• Ëmbëlsirat dhe produktet e sheqerit shënuan rritje vjetore prej +5.7%.