Hetimet për vdekjen e influenceres Stefania Pieper, 32-vjeçare, në Austri, kanë konfirmuar se ajo u vra nga ish-partneri i saj, Patrick M.
Trupi i viktimës u zbulua i futur në një valixhe në një pyll pranë kufirit Austri-Slloveni. Raportet mjeko-ligjore tregojnë se Stefania Pieper u mbyt dhe kishte lëndime në fytyrë, ndoshta nga goditjet ose nga lëvizja brenda valixhes gjatë transportit.
Autoritetet vlerësojnë se motivi lidhet me mospranimin e fundit të marrëdhënies nga ana e Patrick M.. Ai rrëfeu fajin dhe udhëzoi policinë drejt vendit ku ishte fshehur trupi.
Patrick M. u arrestua si autor i dyshuar i kësaj vrasjeje. Hetimet vazhdojnë për të zbardhur detaje të tjera të ngjarjes.