Gjatë vitit 2025, numri i vdekjeve në Shqipëri shënoi rënie në 21,394 raste, ose 708 vdekje më pak se në vitin 2024. Norma bruto e vdekshmërisë zbriti në 910.5 vdekje për 100 mijë banorë, nga 929.8 që ishte një vit më parë.
Shkaqet kryesore të vdekshmërisë
Sëmundjet e aparatit të qarkullimit të gjakut vijojnë të jenë shkaku kryesor i vdekjeve, duke zënë 52.9% të totalit. Brenda këtij grupi:
- Sëmundjet kronike të zemrës: 42.2%
- Sëmundjet ishemike të zemrës: 22.4%
- Sëmundjet e enëve të trurit: 18.8%
Në vendin e dytë renditen "Simptomat, shenjat dhe sëmundjet e papërcaktuara mirë" me 20.9% të totalit, ku shumica dërrmuese lidhen me pleqërinë. Grupi i tretë janë sëmundjet tumorale, ku mbizotërojnë tumoret malinje të aparatit të tretjes (35.5%), ato të aparatit të frymëmarrjes (23.3%) dhe të organeve urogjenitale (14.3%).
Prirjet e tjera në shkaqet e vdekjes
Ndërsa shkaqet kryesore pësuan rënie, disa kategori të tjera regjistruan shtim:
- Dëmtimet traumatike dhe helmimet u rritën me 6.9% (711 vdekje).
- Sëmundjet endokrine dhe të të ushqyerit u rritën me 15.3% (241 vdekje).
- Sëmundjet e sistemit nervor qendror u shtuan me 13.8%.
- Vdekjet nga sëmundjet infektive dhe parazitare shënuan rritje me 29.4%.
Sipas INSTAT, aksidentet përbëjnë 2.2% të vdekjeve, vetëvrasjet 0.9%, ndërsa vrasjet 0.2%. Vdekshmëria foshnjore regjistroi 106 vdekje, me një normë prej 4.7 për 1,000 lindje, nivel ky i pandryshuar krahasuar me vitin paraprak.