Interi ka nisur planifikimin e transferimeve verore dhe fantazisti argjentinas Niko Paz, aktualisht te Komo, po konsiderohet si një nga objektivat kryesore.
Lojtari po monitorohet prej muajsh për paraqitjet bindëse në Serie A. Drejtuesit e klubit zikaltër e shohin si profil ideal për të rritur cilësinë dhe kreativitetin në mesfushë, falë teknikës së pastër, inteligjencës në lëvizje dhe aftësisë për të luajtur mes linjave.
Niko Paz përfaqëson një investim strategjik për të ardhmen, duke qenë i ri dhe me hapësirë të madhe për rritje. Megjithatë, situata e kartonit të tij e ndërlikon procesin, pasi Real Madrid mban një klauzolë riblerjeje që mund ta ushtrojë verën e ardhshme për rreth 9 milionë euro, me rritje të lehtë në sezonin pasardhës.
Çdo negociatë kërkon dialog me drejtuesit madrilenë. Një skenar i mundshëm është që Interi të paraqesë një ofertë të konsiderueshme ekonomike, shoqëruar me klauzola të favorshme për Real Madrid-in, për ta bindur klubin spanjoll të heqë dorë nga kontrolli.
Operacioni pritet të jetë kompleks dhe të kërkojë durim, strategji si dhe investim financiar të rëndësishëm. Interi ka edhe prioritete të tjera, por emri i Niko Paz-it po fiton peshë në planet e klubit për periudhën verore.