Inspektorati Policor i Kosovës (IPK) ka rekomanduar Policinë e Kosovës suspendimin e një zyrtari policor të angazhuar në Stacionin Policor të Fushë Kosovës.
Hetimet ndaj këtij zyrtari zhvillohen në drejtim të veprës penale Sulm. Pas konsultave me prokurorinë përkatëse, rasti trajtohet në procedurë të rregullt.
Sipas njoftimit të IPK-së, incidenti raportohet të ketë ndodhur pas mesnatës në Fushë Kosovë, ndërsa zyrtari policor ishte jashtë detyrës zyrtare.
Hetuesit e Departamentit të Hetimeve të IPK-së, në konsultim të vazhdueshëm me prokurorin përgjegjës, pritet të ndërmarrin veprime të tjera hetimore për sqarimin e rrethanave të incidentit.