Ish-ambasadori serb Sreçko Dukiq deklaroi se presidenti Aleksandar Vuçiq po e përfshin Serbinë në konflikte globale përmes deklaratave për aktivitetin e CIA-s dhe Mossad-it në Iran.
Në një intervistë për gazetën Nova, Dukiq theksoi se këto deklarata mund të shkaktojnë dëm politikës së jashtme serbe. Ai vlerësoi se Serbia nuk është aktore në konfliktet e Lindjes së Mesme dhe nuk ka interes të rreshtohet në interpretime që akuzojnë shërbimet e inteligjencës perëndimore.
Dukiq cilësoi krahasimin e Vuçiqit me vitin 1953 dhe përmbysjen e kryeministrit iranian Muhamed Mossadegh si kornizë propagandistike antiamerikane dhe antiperëndimore. Këto pretendime, sipas tij, mund të perceptohen në Uashington dhe Tel Aviv si narrativë armiqësore, duke e futur Serbinë në luftëra inteligjencës.
Ai paralajmëroi se deklarata të tilla ndërlikojnë pozicionin e Serbisë dhe krijojnë konfuzion në politikën e jashtme.
Refuzimi i delegacionit evropian
Gjatë vizitës në Abu Dhabi, Vuçiq u shpreh se nuk dëshiron të takohet me delegacionin e Parlamentit Evropian në Beograd, duke i cilësuar ata të paftuar. Ai tha se do të ketë angazhime të tjera, por edhe po të ishte në vend, nuk do të pranonte takimin.
Përditësime
Presidenti serb Aleksandar Vučić i quajti anëtarët e delegacionit të Parlamentit Evropian "urrejtës të Serbisë". Sipas tij, ata ranë dakord të vinin në Beograd pa pyetur apo informuar Serbinë.