Visho Ajazi Lika, ish-kreu i Shërbimit Informativ Shtetëror (SHISH), në një lidhje direkte me emisionin Off the Record, të moderuar nga Andrea Danglli në A2CNN, shpjegoi arsyet e refuzimit të tij ndaj Sali Berishës për strehimin e muxhahedinëve në Shqipëri.
Ai theksoi se muxhahedinët ndodheshin në situatë të rëndë njerëzore dhe zhdukjeje, kur aleatët iu kërkuan Shqipërisë t'i strehonte për arsye humanitare. Në fillim parashikohej një numër i vogël, pasi thuhej se do të shkonin në Perëndim e Amerikë, por numri u rrit vazhdimisht.
Lika u shpreh skeptik që në fillim për arsye sigurie. Ai i cilësoi muxhahedinët si luftëtarë të përkushtuar (hardcore fighters) me 20 vjet luftë kundër regjimit të Ajatollahut, duke përbërë problem sigurie potencial për Shqipërinë.
Ish-kreu i SHISH nënvizoi mungesën e kapaciteteve: "Nuk i kemi mjete për t'i mbajtur nën vëzhgim një grup kaq të madh njerëzish dhe duke qenë një vend i vogël, ishin problem për ne". Ai përmendi gjithashtu një raport për ish-kryeministrin Sali Berisha nga Shërbimi Informativ Shtetëror.