Në datën 14 janar 2026, në Gjykatën e Posaçme Antikorrupsion (GJKKO) zhvillohet seanca gjyqësore për dosjen Gërdeci, ku një nga të akuzuarit është ish-ministri i Mbrojtjes Fatmir Mediu.
Në seancën e kaluar, Prokuroria e Posaçme Antikorrupsion (SPAK) ka depozituar provat për gjyqin në ngarkim të Mediut. Ai akuzohet për shpërdorim detyre, pasi, sipas SPAK, janë shkelur procedurat për ngritjen e fabrikës së demontimit të municioneve në Gërdec, pranë një zone të banuar si dhe ato të municioneve.
Vetë Mediu ka kundërshtuar akuzat e ngritura dhe gjetjet e ekspertëve. Gjyqi ndaj tij vijon që nga prilli 2023.
Detaje të provave dhe hetimeve
Provat e depozituara përfshijnë një faks të nisur nga zyra e ish-ministrit të Drejtësisë Aldo Bumçi drejt Ministrisë së Mbrojtjes, për hapjen e fabrikës, ku është shënuar "Për Shkëlzenin", emri i Shkëlzen Berishës, bir i ish-kryeministrit Sali Berisha.
SPAK ka kërkuar marrjen në pyetje të Anjola Agollit, ish-sekretare e Bumçit, e cila në deklaratat e mëparshme ka dëshmuar për atë dokument.
Çështja u rihap pas 12 vitesh me iniciativën e familjes Durda, një prej familjeve të viktimave të shpërthimit të 15 marsit 2008 në ambientet e ish-Brigadës së Tankeve, ku humbën jetën 26 persona dhe qindra të tjerë u plagosën.