Ish-sekretari amerikan i Shtetit, Antony Blinken, rikonfirmoi të mërkurën në një bashkëbisedim në Harvard Institute of Politics se nuk ka asnjë hezitim për vendimin e marrë në maj 2021 për shpalljen "non grata" të ish-kryeministrit shqiptar Sali Berisha dhe familjes së tij nga Departamenti Amerikan i Shtetit.
Ai u përgjigj pyetjes së Fatjon Semanjakut, shtetas amerikan me origjinë shqiptare dhe ish-kandidat në zgjedhjet parlamentare në Shqipëri. Semanjaku tregoi se kishte ndërprerë studimet në Harvard për të kandiduar, kishte ekspozuar lidhjet e mafies me qeverinë dhe ishte arrestuar në kulmin e fushatës. Ai përmendi gjithashtu faktin se Blinken e kishte cilësuar kryeministrin Edi Rama "lider të shquar" gjatë një vizite në Shqipëri, duke pyetur se çfarë niveli "shquar" do të nevojitej për të hapur dyert e Zyrës Ovale në kushte të caktuara politike.
Blinken u shpreh: "Ju thatë që mund të zgjedh pyetjen që dua t’i përgjigjem. Shikoni, para së gjithash më vjen shumë, shumë keq për atë që keni kaluar personalisht. Askush nuk duhet të kalojë nëpër atë që përshkruat. Por, unë qëndroj plotësisht pas sanksioneve të vendosura ndaj z. Berisha. Nuk kam asnjë hezitim apo dyshim për këtë vendim, aspak. Kjo nuk flet për mangësitë e administratës, por flet për mangësitë e Berishës dhe unë do të vazhdoj të qëndroj pas kësaj. Është thjesht një ndryshim gjykimi."
Vendimi i 2021-ës mbetet i pandryshuar pas rreth pesë vitesh, pavarësisht përpjekjeve të Berishës për ta kundërshtuar. Berisha e ka konsideruar atë një veprim të padrejtë, të diktuar sipas tij nga ndikimi i George Soros.
Përditësime
Fatjon Semanjaku pyeti: "Fraksioni mafioz i George Soros i së majtës së sotme shumë, shumë, shumë malinje?"
Ky citat nuk u përfshi plotësisht në artikullin e publikuar.
Fatjon Semanjaku publikoi citatin e plotë të pyetjes së tij: “Dua të di sa i “shquar” duhet të jem që dyert e Zyrës Ovale të hapen nëse bëhem kryeministër i Shqipërisë kur në Shtëpinë e Bardhë rikthehet fraksioni mafioz i George Soros i së majtës së sotme shumë shumë shumë malinje?”
Juristi Kreshnik Spahiu deklaroi në emisionin 'Frontline' se Donald Trump dhe Marco Rubio kanë hequr statusin non-grata për Vladimir Putin dhe familjen e Dodikut, por jo për Sali Berishën.
Spahiu theksoi se Berisha, me 36 vite në politikë, gëzon një trajtim të veçantë nga SHBA.
Ai shtoi se Berisha nuk mund ta sjellë opozitën dhe Partinë Demokratike në pushtet.