Emisioni Vetting ka zbardhur situatën në ish-Uzinën e Superfosfatit në Laç, e cila u ndërtua në vitin 1967 dhe shndërroi një fshat të vogël në qytet industrial gjatë periudhës komuniste.
Uzina solli zhvillim ekonomik dhe social, duke krijuar vende pune në tre turne dhe duke tërhequr inxhinierë e kimistë nga jugu i Shqipërisë. Pozicioni i saj strategjik pranë rrugëve hekurudhore e rrugore e bëri atë pikë grumbullimi për prodhimet industriale. Antropologu Alfred Halilaj shpjegon se uzina u zgjodh për këto avantazhe dhe afërsinë me Tiranën.
Problemet lindën menjëherë për shkak të ndotjes kimike nga prodhimi i pesticideve, fungicideve e insekticideve. Ish-teknologia Magdalena Cara dëshmon se uzina ishte e klasifikuar si ndotëse dhe reparte të caktuara kishin rreziqe të larta nga acidet.
Sot, pas braktisjes prej tre dekadash, në rrënojat e uzinës gjenden mijëra ton mbetje toksike, si bakër, arsenik e naftë, të cilat depërtojnë në shtresat ujore nëntokësore. Kjo situatë rrezikon shëndetin e banorëve, me pasoja në mushkëri, veshka e kocka te ish-punëtorët. Shembjet e godinave kanë marrë jetën shumë banorëve të zonës.
Raportet zyrtare rekomandojnë vendosjen e shtresave mbrojtëse dhe pastrimin e këtyre ish-ndërmarrjeve, si ajo në Kuçovë. Është miratuar një dokument për menaxhimin e mbetjeve me fond mbi 60 milionë euro. Megjithatë, problemet vazhdojnë dhe përgjegjësia pasohet sa në një institucion në një tjetër.