Futbollisti Jasir Asani ka ndërprerë zyrtarisht bashkëpunimin me klubin iranian Esteghlal, duke aktivizuar procedurën e zgjidhjes së kontratës përmes një letre drejtuar drejtuesve të klubit. Ky vendim vjen si pasojë e dështimit të klubit për të shlyer detyrimet financiare të prapambetura për sezonin e kaluar.
Gjatë periudhës së tij në Iran, 31-vjeçari regjistroi gjithsej 29 ndeshje, në të cilat shënoi 13 gola dhe dha 4 asistime. Aktivizimi i lojtarit u ndikua negativisht nga situata e paqëndrueshme në Lindjen e Mesme, e cila solli pezullimin e kampionatit iranian dhe ndikoi në rënien e ritmit të tij sportiv, duke bërë që ai të humbiste vendin në përfaqësuesen kuqezi.
Tashmë, Asani është në kërkim të një skuadre të re. Sulmuesi ka konfirmuar më herët interesimin nga klube të elitës së futbollit spanjoll, konkretisht nga La Liga, megjithëse ende nuk ka hapa konkretë drejt një transferimi. Në karrierën e tij, bilancet më të mira mbeten ato me klubet Partizani dhe Gwangju FC, ku ka realizuar nga 27 gola me secilin ekip.