Gazeta gjermane Bild raporton se Jurgen Klopp është pranë emërimit si trajner i ri i kombëtares së Gjermanisë. Ai do të zëvendësojë trajnerin aktual Julian Nagelsmann, i cili ka kontratë me Federatën e Futbollit të Gjermanisë deri në vitin 2028.
Ndryshimi mund të ndodhë pas Kupës së Botës 2026, varësisht nga performanca e ekipit. Klopp, 58-vjeçar, ka marrë rolin e drejtorit të futbollit global te grupi Red Bull në janar 2025, pas largimit nga Liverpooli në fund të sezonit 2023/24.
Spekulimet për rikthimin e tij në stol kanë vazhduar, duke e lidhur me Real Madridin pas largimit të mundshëm të Xabi Alonsos, por opsioni i kombëtares gjermane duket më realist. Agjenti i tij, Marc Kosicke, ka konfirmuar se federata gjermane ka kontaktuar disa herë Klopp-in dhe se ideja diskutohet brenda strukturave të Red Bull-it.
Vetë Klopp ka deklaruar në janar se ndihet në paqe me pozicionin aktual dhe do të thoshte "jo" për momentin, por nuk përjashton mundësinë në të ardhmen: "Nuk mund të them ‘kurrë, kurrë, kurrë’".
Ky zhvillim vjen pas një viti e gjysmë pauze nga pankina, ku Klopp ka drejtuar Mainz-in, Borussia Dortmund-in dhe Liverpoolin për më shumë se dy dekada pa ndërprerje.