Ish-trajneri i Liverpool dhe Borussia Dortmund, Jurgen Klopp, i ka dhënë fund pushimit nga futbolli duke pranuar drejtimin e Kombëtares së Gjermanisë. Lajmi, i konfirmuar nga gazetari Fabrizio Romano, bën të ditur se palët kanë arritur një marrëveshje parimore.
Sipas informacioneve, Klopp do të drejtojë një projekt sportiv afatgjatë me “Die Mannschaft”. Aktualisht, po finalizohen detajet e kontratës dhe hapat formalë për shkëputjen e tij nga posti që mban te grupi Red Bull.
Federata Gjermane e Futbollit pritet të kryejë formalitetet e nevojshme në ditët në vijim për prezantimin zyrtar të teknikut. Paralelisht, po diskutohet e ardhmja e strukturës sportive të Red Bull, ku emri i Oliver Glasner është përmendur si një prej kandidatëve për të zëvendësuar pozicionin e lënë nga Klopp.