Juristi Bledar Dervishaj komentoi seancën e zhvilluar më 23 janar 2026 në Gjykatën Kushtetuese, lidhur me kërkesën e Kryeministrit Edi Rama kundër vendimit të GJKKO për pezullimin nga detyra të Zv. Kryeministres dhe ministres së Infrastrukturës dhe Energjisë, Belinda Balluku.
Sipas Dervishaj, qëndrimi i Prokurorisë së Posaçme kundër Korrupsionit dhe Krimit të Organizuar (SPAK) nuk u ngrit në nivel kushtetues. Argumentet e saj, si rreziku i helmimit ose prishjes së provave, vlejnë vetëm për gjykatat e zakonshme dhe jo për trupën kushtetuese.
Dervishaj shkroi se çështja në shqyrtim nuk ka lidhje me pretendimet e SPAK-ut. Prokuroria ka hyrë në një terren që nuk e zotëron, pavarësisht shkeljeve të pretenduara në rastin konkret.
Postimi i plotë i Dervishaj në rrjete sociale:
- Mbrojtja e SPAK-ut për veprimtarinë e saj dhe vendimin e GJKKO u mbështet te rreziku i helmimit/prishjes së provave.
- Këto argumente nuk korrespondojnë me nivelin kushtetues.
- Çështja objekt i shqyrtimit është krejt tjetër dhe SPAK e ka trajtuar gabim.