Kryetari i Komunës së Prishtinës, Përparim Rama, ka njoftuar se kanë nisur punimet për fazën finale të asfaltimit në Rrugën A, një prej projekteve kryesore infrastrukturore në kryeqytet.
Përmes një postimi në rrjetin social Facebook, Rama ka deklaruar se ky projekt është përballur me pengesa institucionale, duke u bllokuar tri herë nga qeveria, e cila e ka dërguar çështjen në gjykatë. Megjithatë, kryetari i kryeqytetit ka konfirmuar se institucioni që ai drejton ka fituar të gjitha rastet gjyqësore, duke mundësuar kështu vazhdimin dhe finalizimin e punimeve.
Projekti i Rrugës A vlerësohet si një ndër ndërhyrjet më të rëndësishme për infrastrukturën urbane të Prishtinës, duke synuar përmirësimin e qarkullimit në këtë zonë të qytetit.