Kadri Veseli, ish-kryetari i Kuvendit të Kosovës, mbajti fjalën përmbyllëse në Gjykatën Speciale në Hagë më 18 shkurt 2026.
Në fjalimin e tij, Veseli deklaroi se as në momentet më të errëta nuk e kishte humbur besimin se e drejta dhe liria do të triumfonin. Ai shtoi se populli i Kosovës ka të drejtë të jetojë në liri dhe dinjitet, ndërsa vuajtjet do të marrin fund dhe drejtësia do të vijë, edhe me vonesë.
Veseli u drejtua gjykatës duke kërkuar mbrojtjen e drejtësisë, të vërtetës dhe paanësisë si trashëgimi të saj. Ai shpjegoi se i është bashkuar mijëra grave dhe burrave në radhët e Ushtrisë Çlirimtare të Kosovës për lirinë e Kosovës dhe për të shërbyer vendit, që çdo qytetar të gëzojë drejtësi.
Ai theksoi se kurrë nuk ka besuar se dhuna, urrejtja dhe hakmarrja mund të jenë udhërrëfyes të ndershëm, pasi ato shkatërrojnë shpirtin e një populli. “Liria s’mund të arrihet përmes padrejtësisë, as paqja s’mund të ndërtohet mbi krim”, deklaroi Veseli. Ai përfundoi se një kauzë e drejtë nuk mund të mbrohet me mjete të padrejta.