Një ngjarje e rëndë ka ndodhur në Kamëz, ku një 16-vjeçar ka goditur me thikë xhaxhanë e tij. Sipas informacioneve nga burimet zyrtare, konflikti ka nisur pasi xhaxhai kishte konstatuar se nipi i tij po konsumonte cigare hashashi.
Pas zbulimit, xhaxhai i kishte treguar për rastin babait të 16-vjeçarit. Ky veprim ka shkaktuar reagimin e të miturit, i cili dyshohet se ka marrë një thikë dhe ka qëlluar dy herë xhaxhanë e tij. Si pasojë, viktima ka marrë plagë të rënda dhe është transportuar në spital për të marrë ndihmën e nevojshme mjekësore.
Policia e Tiranës ka ndërhyrë menjëherë në vendin e ngjarjes dhe ka arrestuar autorin e dyshuar të mitur. Grupi hetimor po punon për zbardhjen e plotë të rrethanave të ngjarjes dhe dokumentimin ligjor të rastit.
Përditësime
Policia e Kamzës konfirmoi se ngjarja ndodhi mbrëmjen e së martës. Autoritetet po hetojnë shkaqet e konfliktit mes 16-vjeçarit dhe xhaxhait të tij. I mituri ndodhet nën mbikëqyrjen e uniformave blu.