Kombëtarja e Kanadasë dhe ajo e Bosnje-Hercegovinës ndanë pikët në ndeshjen e parë të grupit B, e zhvilluar në stadiumin BMO Field në Toronto. Sfida ishte e balancuar, me raste shënimi për të dyja palët.
Bosnje-Hercegovina kaloi në avantazh në minutën e 21-të, kur Lukiç shfrytëzoi një goditje këndi për të shënuar me kokë. Pas golit, skuadra vendëse rriti presionin në kërkim të barazimit, duke krijuar disa mundësi të rrezikshme. Mbrojtja boshnjake u tregua e vëmendshme, duke larguar një top nga vija fatale në minutën e 67-të pas një tentative të Kanadasë.
Barazimi erdhi në minutën e 78-të përmes Cyle Larin, i cili me një gjuajtje nga brenda zonës mposhti portierin Nikola Vasilj. Në minutat e mbetura, të dyja skuadrat tentuan të gjenin golin e fitores, por rezultati mbeti i pandryshuar deri në vërshëllimën përfundimtare të gjyqtarit Facundo Tello.
Statistikat e ndeshjes
• Rezultati përfundimtar: 1-1
• Golashënuesit: Lukiç (21') për Bosnjën; Larin (78') për Kanadanë
• Trajnerët: Jesse Marsch (Kanada) dhe Sergej Barbarez (Bosnje-Hercegovinë)
Pas këtij barazimi, të dyja kombëtaret marrin nga një pikë, ndërsa mbeten në pritje të përballjes tjetër të grupit midis Katarit dhe Zvicrës.
Përditësime
Në ndeshjen e Grupit B mes Kanadasë dhe Bosnje-Hercegovinës, Cyle Larin ka barazuar rezultatin në minutën e 79', pas një devijimi të topit.