Në kuadër të Kupës së Botës 2026, Kanadaja dhe Bosnje-Hercegovina do të përballen sot në orën 21:00 në stadiumin e Torontos (BMO Field). Kjo ndeshje është e vlefshme për Grupin B, ku bëjnë pjesë edhe Zvicra dhe Katari.
Kanadaja, e renditur në vendin e 30-të në renditjen e FIFA-s, kërkon të kalojë fazën e grupeve për herë të parë. Nën drejtimin e trajnerit Jesse Marsch, skuadra vjen pas një serie prej tetë ndeshjesh pa humbje gjatë vitit 2026. Liderët e ekipit pritet të jenë mbrojtësi Alphonso Davies dhe sulmuesi Jonathan David.
Nga ana tjetër, Bosnje-Hercegovina, e renditur në vendin e 64-të në FIFA, kualifikohet në këtë turne pasi eliminoi Italinë dhe Uellsin përmes goditjeve të penalltive në fazën e plejofit. Ekipi, nën drejtimin e trajnerit Sergej Barbarez, gjithashtu mban një ecuri prej tetë ndeshjesh pa humbje. Kapiteni Edin Dzeko, me 73 gola në 148 paraqitje, mbetet figura kryesore e përfaqësueses boshnjake.
Në Grupin B, Zvicra vlerësohet si favorite për vendin e parë, ndërsa kjo përballje konsiderohet vendimtare për aspiratat e të dyja skuadrave për të kaluar në raundin tjetër të turneut.
Përditësime
Në ditën e dytë të Kupës së Botës, kombëtarja e Koresë së Jugut siguroi fitoren e parë, duke mposhtur Republikën Çeke me rezultatin 2:1.
Trajnerët e të dyja skuadrave kanë publikuar formacionet zyrtare për ndeshjen e sotme të Botërorit, ku si Kanadaja ashtu edhe Bosnje-Hercegovina kanë zgjedhur skemën taktike 4-4-2. Ndryshimet kryesore në formacionet titullare janë: