Kancelari gjerman Friedrich Merz ka uruar liderin opozitar hungarez Péter Magyar për fitoren në zgjedhjet parlamentare të zhvilluara në Hungari më 12 prill 2026.
Në një postim në platformën X, Merz shkroi: "Hungaria ka vendosur. Urime për fitoren tuaj në zgjedhje, Péter Magyar". Ai shtoi se pret me padurim bashkëpunimin me udhëheqjen e re hungareze për të ndërtuar një Evropë më të fortë, më të sigurt dhe mbi të gjitha më të bashkuar.
Reagimi i kancelarit gjerman vjen në vazhdën e urimeve nga liderë të tjerë evropianë. Fitorja e Magyar mposhti kryeministrin aktual Viktor Orbán, duke shënuar fundin e një periudhe 16-vjeçare në pushtet për të. Ky rezultat pritet të ndikojë në politikën e brendshme hungareze dhe në raportet me Bashkimin Evropian.