Policia e Maqedonisë së Veriut ka kapur 65 kilogramë marijuanë gjatë një kontrolli rrugor. Ngjarja ndodhi më 4 prill 2026, kur një makinë Seat Altea me targa të Shkupit, që lëvizte drejt Velesit, u identifikua nga njësitë policore.
Sipas njoftimit të MPB-së, drejtuesi i mjetit tentoi të arratiset pas sinjalizimit për kontroll, por u ndalua pas disa minutash. Gjatë kontrollit në automjet u gjetën katër thasë të zinj që përmbanin 65 paketime me marijuanë.
Në pranga përfunduan një 38-vjeçar nga Shkupi dhe një 55-vjeçar nga Kavadarci. Policia ka ngritur kallëzime penale kundër tyre. Të arrestuarit pritet të dalin para gjykatësit hetues, ku do të njihen me masat e kujdesit.