Katër punëtorë, ndër ta tre kosovarë, humbën jetën të martën e kaluar në aksidentin në kantierin e ndërtimit në rrugën Porzellangasse pranë Bauernfeldplatz në qarkun Alsergrund (Bezirk 9) të Vjenës. Në kantier po ndërtoheshin gjashtë apartamente të reja në çatinë e një pallati klasik vjenez.
Dëshmitarët raportuan se punëtorët, pas punimeve me beton, u ulën në skelë duke pirë duhan në oborrin e ngushtë. Skela u shemb bashkë me kallëpet e betonit. U dëgjuan britma, përplasje të fuqishme dhe një zhurmë e madhe, pastaj heshtje.
Shërbimet e emergjencës u njoftuan rreth orës 14:30. Pas një ore e gjysmë, shpëtimtarët raportuan një punëtor me lëndime të rënda në kokë dhe shtyllën kurrizore. Bëhet fjalë për një shqiptar 45-vjeçar nga Maqedonia e Veriut, i dërguar në spital me gjendje të qëndrueshme.
Gjatë orëve në vijim, u konstatua se konstrukti i betonit me pesë persona mbi të ishte shembur në një hapësirë të kufizuar nën rrënoja dhe beton të lagësht që u ngurtësua. Zjarrfikësit përpjekën të tërhiqnin viktimat me dorë, pastaj përdorën pajisje speciale, dronë, ekipin e vendndodhjes akustike dhe qen të kërkim-shpëtimit. Në fund, konfirmuan vdekjen e katër personave.
Shkaqet e aksidentit dhe përgjegjësia mbeten të paqarta.