Në një aksident tragjik në Vjenë të Austrisë, humbën jetën katër persona në një kantier ndërtimi në distriktin Alsergrund. Sipas informacioneve nga Ambasada e Kosovës në Austri, tre prej viktimave janë qytetarë të Republikës së Kosovës.
Ngjarja ndodhi gjatë punimeve ndërtimore, kur një pjesë e konstruksionit u shemb, duke lënë punëtorët të bllokuar nën rrënoja. Autoritetet austriake kanë identifikuar viktimat kosovare si Istref Zekaj, Pajtim Bajrami (lindur 1990) dhe Asllan Musliu (lindur 1977).
Kryeministri i Kosovës, Albin Kurti, reagoi në Facebook, duke shprehur tronditje të thellë. "Na ka tronditur thellësisht lajmi për vdekjen tragjike të disa personave në Austri. Sipas informacioneve zyrtare nga Ambasada jonë atje, tre prej tyre janë identifikuar si qytetarë të Republikës së Kosovës", shkroi ai.
Kurti shprehu ngushëllimet më të sinqerta për familjet e viktimave dhe të gjithë të prekurit nga kjo humbje. Ai njoftoi se Qeveria e Kosovës është në komunikim të ngushtë me Ambasadën në Vjenë për të ofruar gjithë mbështetjen e nevojshme.
Ambasada e Kosovës shprehu dhimbjen e thellë dhe premtoi mbështetje për familjarët. Autoritetet austriake vazhdojnë hetimet për rrethanat e aksidentit.
Përditësime
Policia e Vjenës, përmes zëdhënësit Philip Hasslinger, konfirmoi vdekjen e tre shtetasve kosovarë në aksidentin e kantierit.
Rrëzimi i skelave ndodhi gjatë betonimit të kulmit të një ndërtese në rikonstruksionin e një pallati të vjetër. Në total u përfshinë pesë punëtorë.
Viktima e katërt është nga Bosnje e Hercegovinë.
Një punëtor nga Maqedonia Veriore mbetet i plagosur rëndë.
Mes kosovarëve identifikohen Pajtim Bajrami (26 vjeç) dhe Asllan Musliu (49 vjeç).
Reagime politike:
- Bedri Hamza
- Enver Hoxhaj
- Albulena Haxhiu